Bandung nu dipigandrung

Gupay-gupay panineungan kiwari nembongan deui,syair lagu anu ngagambarkeun kaayaan harita medio Maret 1998,masih katingali gupayan leungeun indung nu disarengan pidu'a waktu ngalepaskeun sim kuring ngumbara ka tanah Banten.Beca anu mawa sim kuring beuki jauh niggalkeun imah anu pinuh ku katineung,teu karasa geus ampir 11 tahun sim kuring ninggalkeun Bandung.Tapi endahna Bandung masih keneh nyaliara dina hate kuring.Masih kasawang pas balebat gunung anu ngalingkung Bandung.Masih keneh kadenge pepejeuh ti kolot anu ngajarkeun panghirupan anu bener.Masih kabayang waktos keur budak mun diingetan matak kaduhung tara ngadengekeun omongan kolot,sabab beuki dieu beuki kabuktikeun,benerna omongan kolot.Tapi sanajan geus kaitung lila sim kuring ngumbara,tapi nepi ka ayeuna masih keneh ngarasa cukleuk leuweung cukleuk lamping,jauh ka sintung kalapa,lieuk dengeun lieuk lain,jauh ka indung ka bapak.Masih keneh nepi ka ayeuna mineng ngarasa nunggelis mun inget ka lembur jeung ka dulur nu aya di imah,sanajan jauh tapi asa aya digigireun jeung di hareupeun.Mangsa pang endahna mun kuring balik ka lembur,sempal guyon jeung dulur,carita mangsa anu geus lawas,duh teu aya bandinganana.Hate ngangras deui mun kuring kudu balik deui ka pangumbaraan.Hayang teuing sim kuring balik deui ka lembur anu geus mere sagalana ka sim kuring,geus usaha tapi hal eta mun ceuk pari basa mah ibarat ngarep-ngarep kalangkang heulang,ngajul bentang ku asiwung,Eta nu matak nyieun hate beuki ngangras.Balik deui ka lembur ngan aya dina implengan,Bandung nu di lingkung ku gunung,Bandung nu heurin ku tangtung,Bandung nu dipigandrung nepi ka iraha moal leungit dina hate jeung implengan kuring.

Indonesia dulu kini dan nanti

Ketika Republik ini mulai diproklamirkan,muncul harapan segala bentuk penjajahan yang telah hilang akan berganti dengan penghidupan yang penuh harapan.Hal itu terlihat ketika pembukaan konstitusi dituliskan mensejahterakan kehidupan rakyat merupakan salah satu cita-cita yang harus dicapai oleh bangsa ini.Permasalahan besar kemudian menimpa republik yang belum lahir ini baik permasalahan yang datang dari dalam bangsa sendiri ataupun akibat invasi bangsa lain yang terus ingin menancapkan kuku kolonialisme di tanah pertiwi.Sejarah selalu mencatat generasi awal adalah generasi emas,seberat apapun permasalahan tetapi tetap mampu di pecahkan dengan kekuatan sendiri baik dengan kekuatan bersenjata maupun kegigihan di atas meja diplomasi.Ketika Dekrit 5 Juli 1959 dikeluarkan oleh Ir.Soekarno babak baru di mulai,Demokrasi liberal yang selama 9 tahun mewarnai kehidupan politik di Indonesia di gantikan dengan demokrasi terpimpin.Kebijakan politik 4 kaki semakin memberikan angin kepada PKI untuk mengembangkan kekuatan,hal ini bisa dilihat dari garis kebijakan politik dalam negeri dan dan luar negeri.Namun rakyat harus membayar mahal semua itu ketika perekonomian Indonesia jatuh sampai pada titik terendah,bahkan gejolak politik semakin memanas lagi ketika muncul pemberontakan G 390 S.Soekarno yang oleh sebagian kalangan dianggap tidak tegas dalam mengambil sikap terhadap pemberontakan G 30 S,mesti berhadapan dengan lawan politik yang telah memegang surat perintah,dan ujungnya kekuasaan pemimpin besar revolusi berakhir pada Sidang Istimewa MPRS 1967.Era baru telah lahir sikap militeristik di perlihatkan oleh jendral Soeharto ketika melakukan pembantaian secara besar-besaran terhadap eks PKI,yang oleh media barat di samakan dengan holocoust yang dilakukan oleh Hitler pada perang dunia II.Harapan baru mulai muncul pada pemerintahan Orde Baru dengan konsep pembangunan ekonomi trilogi pembangunan repelita dan pelita.Kemiskinan absolut mengalami penurunan,pertumbuhan ekonomi mengalami kenaikan,swasembada pangan di capai,tetapi struktur ekonomi yang kuat tidak mampu di ciptakan oleh pemerintah orde baru.Hal ini terlihat ketika ekonomi negeri ini porak poranda hanya karena melemahnya nilai kurs uang rupiah terhadap dolar,titik balik perekonomian kearah penurunan semakin terlihat,ketika jumlah kemiskinan semakin bertambah dan kesenjangan sosial akibat pembangunan yang tidak merata merubah karakter bangsa ini menjadi karakter yang beringas.Kerusuhan demo dan pendudukan gedung parlemen menjadi akhir rejim yang berkuasa selama 32 tahun.Tetapi pasca pemerintahan orde baru,recovery yang di impikan masyarakat berjalan sangat lamban walaupun kehidupan politik lebih demokratis daripada rezim sebelumnya.Ternyata tantangan yang dihadapi bangsa ini seperti ketika negeri ini dilahirkan,ancaman datang dari luar dan dari dalam bangsa sendiri.Kemiskinan,kebodohan,keterbelakangan,korupsi yang begitu kronis,perusakan lingkungan yang parah adalah musuh besar yang harus dihadapi oleh pemimpin di negeri ini,Krisi keuangan global,pemanasan global lambat laun dampaknya akan dirasakan oleh bangsa ini pula.Kita harus ercermin pada pada pra pemimpin dahulu pemecahan masalah bisa dihadapi dengan kekuatan kita sendiri,tidak dengan bersafari ke luar negeri hanya mengharapkan bantuan dan masuknya investor asing dan mengemis-ngemis kepada IMF dan World Bank untuk mendapatkan bantuan. Seperti yang di ajarkan oleh Ir.Soekarno hanya dengan kemandirian dan non-kooperatif kita bisa membusungkan dada kita bahwa kita adalah bangsa yang besar.

Limbangan nu matak waas

Nu pang dipikatineung waktos sim kuring alit nyaeta nyarengan pun biang mulih ka Limbangan.Pun biang boh pun Bapak sami-sami pituin Limbangan kampung sirna galih desa Galih Pakuan.Pas pun biang masihan wartos sakedap deui bade dibuat,manah teh bingahna asa kaurugan menyan putih.Tos kabayang dina soca Pudunan pasir terus kahandap ka Cimanuk meuntas nganggo rakit ngaliwatan kebon awi,di baturan ku hiliwir angin.Pas tonggoheun lembur geus ka ambe bau hawu anu ngebul tina suluh awi.Terus ka lebak geus katingali imah nini mangrupa imah panggung, di buruan di pelakan tangkal cau dilebakeunnana di pelakan sarupaning tangkal hiris jeung tangkal sampeu.ari ditepaseun imah nini ngajajar korsi hoe, wadah seupaheun tinu kuningan.Ari bumi ninimah teu aya kamar sare da lamun reup peuting sadayana ngagelar kasur di tengah imah.Masih keneh kabayang meletetna lampu tempel anu ditutupan ku anyaman awi,sanajan hurungna meletet tapi para bilik nu diluhur angger mehong ku kebul.Tacan pernah mun barang dahar teu ngarasa ponyo,ceuk paribasana dahar jeung uyah hungkul oge tapi ari nu ngarana dahar di lemburmah pasti nikmat. Harita perjalanan Bandung ka Limbangan tangtuna beda jeung kiwari,Saenggeusna nepi ka lemburteh,awak karasa lalungse,tapi rasa kalungse gancang leungit saeunggeus nginum ci enteh tina teko hejo,anu langsung di suguhan ke cau hejo anu rasana haseum semu amis.Di luhureun imah nini aya masigit anu masih kaingeut neupi ka ayeuna sora kohkol jeung pupujian,daharitamah di lembur kuring tacan aya listrik.Tapi untung harita can aya UU pornografi jeung pornoaksi da lamun mandi di pancuran,campur awewe jeung lalaki bari jeung euweuh rasa ragab.Dilembur sim kuring nu ngarana cai cur cor sabab aya dua susukan gede anu ngaliwatan lembur nyaeta cimanuk jeung cipancar.Matakna sawah di lemburmah teu eureun terus dipelakan.Mun indung di buat dasar budak teu weleh kudu ngilu,geus pasti baju bobolokot ku leutak,da kuring keur leutikmah bantangul teu daek cicing.Pare di ala aya nu di arit aya oge anu di etem.Saeunggeus di buat, sawareh pare di tunda na leuit saeunggeus di poe,aya oge anu terus di tutu,masih keneh di buruan aya lisung panjang.Asa euweuh bandinganana rasa sangu anu beasna meunang nutu anu geus di karihkeun terus diseupan na aseupan make seeng,di akeul dina jubleg dihihidan nepi sangu di keupul teu bisa peungray,beda jeung ayeuna ibu-ibu geus wararegah nyangu model kitu da tuntutan jaman geus beda,sanajan akibatna sarua jeung mapagahan ka anak urang gaya hirup anu instan.Asa endah,asa ngangras mun inget zaman harita,pangaruh kabudayaan luar geus asup nyurup ka urang lembur,hawu nu make suluh awi jeung kai jengjen geus diganti ku kompor gas,seeng jeung aseupan geus diganti ku magic com,dengerna sora budak anu nyalukan baturna geus teu kadenge dan unggal poe nu di peletetan ku budakteh telepon seluler,nyaba ka kota anu di pikaimpi ku barudak,geus ampir euweuh budak ngora anu daek nyawah komo deui ngebon.Duh lembur ulah dugi kaendahanana ngan aya dina implengan,keur sim kuring lembur ibarat indung,anu ngandung anu mikanyaah neupi ka kuring bisa mulang tarima.Hampura lembur hampura indung kanyaah anu sakitu gedena nepi ka iraha moal bisa di bayar sanajan ku duit satangtung.